Манай компани нийгмийн хариуцлагын хүрээнд Сийрст, Билгэх багийн малчдад өрх тус бүрд 5 боодол өвс, 1 уут хивэг үнэгүй олгосон.

Монголын гэрэлт ирээдүй болсон оюутан залуучуудыг уул уурхай, зам тээврийн салбарын талаар эрдэм шинжилгээний болон ажил эрхлэх боломжийн үүднээс сурахад нь дэмжиж сургалтын тэтгэлэг олгох, ажилчдынхаа эрүүл мэндийг чухалчлан үзэж эрүүл мэндийн үзлэгт хамруулах зэргээр нийгмийн асуудлыг шийдвэрлэн сайн сайхны төлөөх үйлсийг бизнесийнхээ салшгүй нэг хэсэг болгон ажиллаж байна.

Улсын Онцгой комисс, Эрүүл мэндийн яам, бусад мэргэжлийн байгууллагуудын үйл ажиллагаанд дэмжлэг үзүүлэх зорилгоор халдварын голомтод ажиллаж байгаа мэргэжлийн байгууллагуудын ажилтан, алба хаагчдад зайлшгүй хэрэгцээт 10 000 ширхэг амны хаалт, 2000 ширхэг нүүрний хаалт, 2000 ширхэг тусгай зориулалтын хувцас, нийт 58.5 сая төгрөгийн үнэ бүхий хувцас, хэрэглэлийг хандивлалаа.